“Më vjen mirë që ju shoh”, Putin takohet me Kim Jong Un në qendrën hapësinore ruse

Presidenti rus, Vladimir Putin zgjodhi të mirëpresë liderin e Koresë së Veriut, Kim Jong Un në Kozmodrom Vostochny, qendrën e lëshimit të raketave të vendit të tij. “Më vjen mirë që ju shoh”, tha Putin ndërsa i shtrëngoi dorën Kim-it për rreth 40 sekonda. “Ky është kozmodromi ynë i ri.”, shtoi ai.

Përmes një përkthyesi, lideri i Koresë së Veriut e falënderoi për ftesën dhe për pritjen e tij të ngrohtë. I pyetur nëse Moska do ta ndihmonte Phenianin në ndërtimin e satelitëve, Putin tha se “kjo është arsyeja pse erdhëm në kozmodromin Vastochny”, duke shtuar se “ne do të diskutojmë gjithçka”.
https://twitter.com/intent/follow?ref_src=twsrc%5Etfw%7Ctwcamp%5Etweetembed%7Ctwterm%5E1701815393084440711%7Ctwgr%5E8790c8add803ed0aa1a0e3a79af14ca443356406%7Ctwcon%5Es1_&ref_url=https%3A%2F%2Fabcnews.al%2Fme-vjen-mire-qe-ju-shoh-putin-takohet-me-kim-jong-un-ne-qendren-hapesinore-ruse%2F&screen_name=rianru

Qeveritë dhe analistët në Perëndim kanë mohuar ditët e fundit se udhëtimi i Kim në Rusi do të përqendrohej në lidhjen e marrëveshjeve dypalëshe në fushën e pajisjeve ushtarake. Zëdhënësi i Kremlinit Dmitry Peskov , i cili u pyet nëse do të diskutojnë furnizimet me armë, theksoi:

“Si fqinjë, vendet tona zbatojnë bashkëpunim në fusha të ndjeshme që nuk duhet të bëhen objekt i zbulimit dhe njoftimit publik. Por kjo është krejt e natyrshme për shtetet fqinje.” Putin thuhet se dëshiron municion, veçanërisht artileri dhe armë për përdorim në luftën në Ukrainë.

Kim, nga ana e tij, thuhet se dëshiron teknologjinë ruse, veçanërisht në satelitë dhe nëndetëse. Kjo është vizita e dytë e Kim në Rusi që kur ai mori pushtetin në vitin 2012./abcnews.al