Aktorja Chethana Raj vdiq pasi raportohet se pati komplikime për shkak të një ndërhyrje kirurgjike për heqjen e dhjamit.

Familjarët e 22 vjeçares kanë denoncuar qendrën ku është kryer operacioni.

Sipas burimeve policore, Chethana u shtrua në Qendrën Kozmetike Shetty në Rajajinagar për një ndërhyrje për heqjen e dhjamit, por pasi pati komplikime, ajo u transferua në spitalin Kaade.

Por ajo vdiq menjëherë pasi mushkëritë e saj ishin mbushur me ujë dhe ajo nuk mund të merrte frymë, ka njoftuar policia.

“Vajza ime më kishte kërkuar leje për t’iu nënshtruar një operacioni të tillë. Megjithatë, nuk pranova të jepja leje dhe i thashë se një operacion i tillë nuk ishte i nevojshëm. Por ajo vazhdoi me operacionin dhe vdiq për shkak të neglizhencës”, ka thënë babai i saj.

“Rreth orës 17:30 të së hënës, një mjek i quajtur Melvin, i cili është një anestezist, hyri në spitalin Kaade me një pacient që nuk reagoi (u gjet më vonë) duke shpërfillur të gjitha protokollet e spitalit dhe kërcënoi sigurinë. për ndalimin e tij dhe e futi (pacienten) direkt brenda (në) Njësinë e Kujdesit Intensiv (ICU) dhe u kërkoi mjekëve që ta trajtonin pacienten dhe treguan se ajo kishte pësuar një arrest kardiak”, thuhej në një deklaratë.

Në raport thuhej më tej, “Asnjë dosje e pacientit apo shënimet rekomanduese të mjekut apo ndonjë dokument tjetër që përshkruan gjendjen e saj nuk na është paraqitur. Në kontrollin e pacientit, ajo u zbulua se ishte ‘Pa puls’ dhe me insistimin e Dr Melvin dhe ekipit, u inicua CPR dhe pas përpjekjes për afërsisht 45 minuta, pacientja nuk mund të ringjallej pasi dukej se ajo ishte vdekur”.

Menaxhmenti i spitalit Kaade tha se mund të paraqesë një ankesë zyrtare kundër mjekëve nga Qendra Kozmetike Shetty.