Nga N.P. “Rrugët e Maqedonisë” thonë se gjatë ditës së sotme ka pasur vazhdimisht rrëshqitje të dheut në rrugën Shkup-Bllacë.

Nga ky institucion thonë se ekipet po vazhdojnë punën në terren për pastrimin e rrugës.

Ndërkaq nga Lidhja Auto Moto e Maqedonisë në një prononcim të shkurtër për TV21 thanë se komunikacioni po zhvillohet me pauza.

“Komunikacioni në këtë rrugë po zhvillohet me ndërprerje”, thonë nga LAMM.

Ndryshe, gjatë ditës së djeshme për shkak të rrëshqitjes së dheut, lëvizja e makinave në rrugën Shkup – Bllacë u ndërpre në të dyja anët.