Ministri turk i Mbrojtjes në vizitë zyrtare në Kosovë

Ministri i Mbrojtjes, Armend Mehaj, sot, duke filluar nga ora 13:30, me nderime ushtarake, do të presë në vizitë zyrtare ministrin e Mbrojtjes Kombëtare të Republikës së Turqisë, Hulusi Akar me delegacionin e tij.

Fillimisht, të dy ministrat e mbrojtjes do të zhvillojnë takimin kokë më kokë, kurse më pas do të mbahet takimi në mes të delegacioneve të të dyja vendeve.

Pas këtyre takimeve, do të ketë deklarata për media nga ana e ministrit Mehaj dhe ministrit Akar.

Gjithashtu, më pas, ministri Akar do të takohet edhe me presidenten Osmani dhe kryeministrin Kurti.