Sela, Gashi dhe Kasami mbajtën tubim tek sheshi që ndërtoi BDI-ja
Është mirë kur sheh liderët e partive tjera shqiptare si Ziadin Sela, Afrim Gashi dhe Bilall Kasami të hapin fushatën në sheshin e lavdisë dhe të shpalosin programet e tyre që të promovojnë kandidatët për kryetarë komunash për zgjedhjet vendore të 17 tetorit, përcjell TS.
Sa bukur kur njerëzit i lexojnë mesazhet e tyre, premtimet e tyre, fushatën ndryshe, forcën e ndryshimit etj etj.
Gjithashtu është e lavdishme të shohësh se se si përkrahësit u brohorasin atyre në shesh.
Po në cilin shesh?!
Kush e ndërtoi atë shesh?!
Për këtë a ka pyetur ndonjëherë Sela, Kasami, Gashi ?
A e dijnë ata se atë shesh e ka ndërtuar BDI-ja?!
Atë shesh të lavdishëm që mban emrin e heroit tonë kombëtar Skenderbeu. Dhe paradoksi i gjithë kësaje është se ata i demantojnë vetë fjalët e tyre kur thonë se BDI nuk ka ndërtuar gjë, ndërsa fushatën e nisin fiks në vendin ku e ndërtoi BDI-ja.
Në fakt me kalimin e ditëve edhe shumë gjëra tjera do t’i demantojnë ata sepse tani kanë zbritur nga selitë e partive dhe kanë dalë në terrenin e ndryshimeve që duken por ata s’kanë dashur t’i shohin ashtu siç nuk e kishin ditur se sheshin Skenderbe e ka ndërtuar oponenti i tyre politikë.
Andaj qytetarët vlersojnë punët e jo fjalët./TetovaSot/
