Sofja mirëpriti rekomandimet e miratuara për personalitetet historike

Ministria e Punëve të Jashtme bullgare tha se mirëpret rekomandimet e dakorduara për respektimin e përbashkët të pesë figurave dhe rekomandimet e dakorduara për tekstet shkollore në të dyja vendet.

Detajet e dakorduara për nderimin e përbashkët të personave praktikisht i janë bashkangjitur protokollit të vitit 2019 dhe teksti i tyre tashmë është miratuar në konferencën ndërqeveritare, tha MPJ bullgare.

Ministria e Punëve të Jashtme e Bullgarisë inkurajon Komisionin e Përbashkët për Çështjet Historike dhe Arsimore të Shkupit dhe Sofjes që të vazhdojë përpjekjet e tij më intensivisht për të përfunduar punën e tij për të gjitha periudhat e historisë së përbashkët në përputhje me nenin 8 paragrafi 2 të Traktatit të Miqësisë dhe Fqinjësisë së Mirë, përcjell INA.

Në njoftimin e MPJ-së bullgare thuhet se me Protokollin e nënshkruar në vitin 2019, qeveritë e Republikës së Bullgarisë dhe Republikës së Maqedonisë së Veriut kanë pranuar propozimet e Komisionit të Përbashkët Multidisiplinar të Ekspertëve për Çështje Historike dhe Arsimore për përkujtimin e përbashkët të këtyre figura nga historia e përbashkët e dy vendeve: Shën Kirili dhe Metodi, Shën Klementi, Shën Naumi dhe Mbreti Samoil, si dhe parime të përgjithshme dhe shënime për përmbajtjen e teksteve shkollore për klasën e V-të në Republikën e Bullgarisë dhe klasën e VI-të në Republikën e Maqedonisë së Veriut, parahistoria dhe historia antike.

Në Protokollin e nënshkruar më 17 korrik, ishte rënë dakord që brenda një muaji të dyja palët të publikonin zyrtarisht të gjitha rezultatet dhe rekomandimet e punës së Komisionit të Përbashkët për Çështjet Historike dhe Arsimore.