Inter gjen pasuesin e Perisic, punon për rikthimin e anësorit brazilian

COMO, ITALY - OCTOBER 10: (L-R) Alex Telles, Pires Ribeiro Dodo, Geoffrey Kondogbia and Martin Montoya of FC Internazionale Milano run during FC Internazionale training session at the club's training ground on October 10, 2015 in Appiano Gentile Como, Italy. (Photo by Marco Luzzani - Inter/FC Internazionale via Getty Images)

Ivan Perisic po përjeton një rini të dytë me fanellën e Interit, pasi është një titullar i padiskutueshëm në krahun e majtë të mesfushës, megjithatë problem mbetet kontrata e futbollistit kroat.


Palët janë të lidhura deri në fund të sezonit dhe Interi i ka ofruar rinovimin me ulje page, gjë që nuk është pranuar deri tani nga kroati, i cili po merr në konsideratë largimin me parametra zero nga Milano.

E për të mos u gjetur të papërgatitur, drejtuesit e klubit milanez kanë nisur negociatat me Manchester United, për anësorin brazilian Alex Telles, i cili ka një të shkuar me fanellën zikaltër kur trajner ishte Mancini dhe e njeh mirë ambientin.

Telles u transferua te Manchester United në vjeshtën e 2020-ës, por në më shumë se një sezon nuk ia ka dalë të përshtatet me futbollin anglez dhe numëron vetëm 13 ndeshje, shumicën e të cilave duke ardhur nga stoli.

Drejtuesit e “djajve të kuq” do të ishin gati ta shisnin që në janar, pasi nuk e shohin më pjesë të projektit, ndërsa te Inter janë ofruar ta marrin në huazim me të drejtë blerjeje, formulë që nuk pëlqehet shumë në “Old Trafford”.