Tmerr në Brazil, peshkatarët gjejnë një varkë me 20 trupa të dekompozuar

Të paktën 20 trupa të dekompozuar u gjetën nga peshkatarët në një varkë në brigjet e Brazilit verilindor, thanë zyrtarët lokalë.

Varka u pa të shtunën në brigjet e Bragança, në verilindje të Pará më 13 prill, njoftoi të dielën Ministria Publike Federale e Brazilit.

Që atëherë janë hapur dy hetime, sipas CNN Brazil.

Zyrtarët thanë se të paktën 20 trupa ishin gjetur në varkë, por për shkak të dekompozimit të mbetjeve nuk dihet se sa vdiqën në varkë.

Viktimat nuk besohet të jenë nga Brazili, por ndoshta nga Karaibet, thanë hetuesit.

Autoritetet lokale vënë në dukje se nuk ka pasur raporte të fundit për brazilianët e zhdukur.