Rrëfimi i motrës së komandantit legjendar: Kryefjalë në familje ishte atdhedashuria

Vepra heroike e familjes Jashari përtej dhembjes ngjall krenari tash e 26 vjet.

Në rrëfimin e saj Hava Gashi, e bija e Shaban Jasharit, tregon se gjatë gjithë jetës në këtë familje kryefjalë ishte atdhedashuria.

Brenda dhomës ku kalon pjesën më të madhe të kohës, e ka të vendosur fotografinë e dhembjes e të krenarisë.

Për më shumë se 2 dekada, Hava, e bija e Shabanit dhe motra e komandantit Adem Jashari i kujton çdo ditë heronjtë e saj, që tash si të tillë i njeh e gjithë Kosova dhe jo vetëm.

Përshëndetja e fundit me Hamzën, sikur i la shije të idhët. Fisnikëria nuk e lë të nxjerr lot kur tregon se ashtu siç e ndjeu edhe ndodhi. Me vëllain nuk u pa më kurrë.

78-vjeçarja me krenari kujton se familjarët e saj gjithmonë ishin atdhetarë.

Ndonëse e ndjen mungesën e 20 anëtarëve të ngushtë që ranë heroikisht në Epopenë e 5, 6 e 7 marsit, ajo është e lumtur që familja u përtëri përsëri me mbi 26 anëtarë, shkruan Rtklive.