Lista e VLEN/ Zënka mes liderëve, Kasami mund të ngelet me 1 deputet?

Lista e partive politike gjithnjë ka qenë cak i përleshjeve verbale mes anëtarëve, simpatizeusve dhe liderëve. Sa më afër afrohet data për të dorëzuar listat e partive politike në Komisionin Shtetëror Zgjedhor, aq më e ndezur bëhet situata në çdo parti.

Gara më e vështirë paraqitet në koalicionin VLEN ku në këtë koalicion marrin pjesë pesë parti politike. Siç mëson portali TS, një situatë e tensionuar paraqitet në zonën 6 të VLEN ku shumë emra të njohur që kanë dhënë kontribut të jashtëzakonshëm në partinë BESA do të ngelen jashtë listës për tju ofruar në listë që të jenë kandidat të Alternativës që nuk ka shumë vota, LD-së së Izet Mexhitit, ASH-së së Taravarit që në Tetovë në zgjedhjet e fundit mori 770 vota dhe VV-së së Albin Kurtit.

Pse Lëvizja BESA dhe Bilall Kasami do të ngelet në këto zgjedhje me 1 deputet?

Lideri i BESËS, Bilall Kasami do të garojë si bartës liste në zonën 6 dhe më pas do të jep dorëheqje për të vazhduar më pas si kryetar komune.

Siç mëson ekskluzivisht TS, pas Kasamit do të jetë Halil Snopçe deputeti aktual i ASH-së së Arben Taravarit, më pas në radhë vjen nga LD-ja e Izet Mexhitit që do të jetë femër, pas saj radhitet Alterantiva ose Bekim Qoku i VV-së dhe në numër 6 duhet të jetë sërish kandidatja e Bilall Kasamit që duhet të jetë femër.

Nëse kjo do të ishte radhitja e listës, Kasami do të ngelet me një deputete femër, pasi Bekim Qoku nuk del në zonën 5, sepse atje e ka humbjen e sigurtë sipas anketave dhe këtu po përballet me një presion të paparë nga Fatmir Limani i cili e ka siguruar numrin 5 në zonën 6 dhe nuk dëshiron që Bekim Qoku tia zë vendin e tij.

Në zonën 5 sipas anketave VLEN nuk do të merr asnjë deputet.

Në zonën 2, si bartës liste do të jetë Afrim Gashi më pas LD-ja, ASH-ja dhe në fund BESA pasi Lëvizja BESA në zonën 2 është më pak aktive dhe ka më pak vota. Sipas anketave të fundit VLEN mund të fitojë 1 maksimum 2 deputet në zonën 2.

Në zonën 1 si bartës liste do të jetë Izet Mexhiti më pas Alternativa, Lëvizja BESA dhe në fund ASH-ja e Taravarit. Sipas anketave të fundit gjasat minimale i ka që VLEN të fitoj më shumë se 2 deputet në zonën 1.

Nëse VLEN do të vulos këto kombinime të deputetëve dhe sipas anketave të fundit atëherë i bie:
– Bilall Kasami – 1 deputete femër
– Izet Mexhiti – 3 deputet
– Afrim Gashi – 2 deputet
– Arben Taravari – 2 deputet
– Albin Kurti – 1 deputet
_____________________________
Total 9 Deputet

Ende nuk dihet se si do të jetë lista përfundimtare, por gjasat reale janë që kjo të jetë një nga kombinimet që VLEN të fitojë më shumë deputet./TS/