Zhurma misterioze që po i lë pa gjumë, banorët e qytetit irlandez! (VIDEO)

Javët e fundit, Këshilli i Qarkut Omagh është përpjekur në mënyrë aktive të identifikojë burimin e një zhurme gjatë natës për të cilën janë ankuar disa banorë nga e gjithë qyteti i vogël i Irlandës së Veriut.

Fatkeqësisht, të gjitha përpjekjet e tyre të deritanishme kanë shkuar kot, duke mos u lënë atyre zgjidhje tjetër përveçse të thërrasin ekspertë të tingujve për të zgjidhur misterin.
Njerëzit “zakonisht e karakterizojnë atë si një zhurmë ose gumëzhitje të vazhdueshme” që ndryshon nga zhurma e automjeteve që kalojnë dhe që mund të dëgjohet vetëm vonë natën, zakonisht rreth orës 12:00 deri në 1:00 pas mesnate.

Ndërsa disa janë mësuar me të, të tjerë pretendojnë se po i pengon të flenë natën dhe kërkojnë që të bëhet diçka për të.

“Oficerët aktualisht po hetojnë për të përdoruar pajisje të specializuara ose prokuruar një kompani të specializuar që t’i ndihmojë në zbulimin e burimit të zhurmës”, tha një zëdhënës i këshillit për BBC. “Për shkak të zonës së gjerë ku është raportuar zëri, është e vështirë të përcaktohen burimet e sakta.”

“Unë e vlerësoj që kur një histori si kjo është e mbështjellë me mister dhe intrigë, ajo mund të bëhet shumë lehtë objekt banalizimi, por sigurisht nga njerëzit me të cilët kam folur… ata janë shumë të shqetësuar për mundësinë që të flenë,” tha këshilltari i Aleancës Stephen Donnelly.

Disa nga teoritë e hedhura rreth burimit të zhurmës misterioze variojnë që nga makineritë e fermave ose të fabrikave deri te disqet fluturuese. Fatkeqësisht, autoritetet vendore nuk kanë shumë për të thënë dhe kjo është arsyeja pse ata planifikojnë të sjellin ekspertë të zhurmave.

“Është si një zhurmë vibruese, e fortë gjatë natës, rreth orës 12 ose 1 çdo natë,” e përshkroi një burrë tingullin.

Është interesante se Omagh nuk është i vetmi vend që po lodhet nga ky tingull misterioz. Për vite me radhë, fshati anglez Holmfield është prekur nga një zhurmë misterioze që është njohur si Holmfield M.m.m.. Një fenomen i ngjashëm ka ndodhur në Windsor, një qytet kanadez pranë Detroitit. Ky tingull është dubluar si Windsor m.m.m