U krye transplanti i parë i plotë i syrit të njeriut: Operacioni zgjati 21 orë, morën pjesë 140 persona shëndetësorë (VIDEO)

Aaron James, i cili pësoi një aksident elektrik me tension të lartë, iu nënshtrua një operacioni 21 orësh për të zëvendësuar gjysmën e fytyrës së tij.

Kirurgët e kanë transplantuar me sukses kornenë prej vitesh. Ekspertët e quajtën zbulimin një moment kyç në përpjekjen për të rikthyer shikimin te miliona njerëz. James, një punonjës i linjës elektrike nga shteti amerikan i Arkansas, humbi pjesën më të madhe të fytyrës së tij kur preku aksidentalisht një tel me rrymë 7,200 volt në 2021.

Më 27 maj të këtij viti, ai iu nënshtrua një transplanti të rrallë të pjesshëm të fytyrës së bashku me transplantin e syrit – ku përfshiheshin më shumë se 140 profesionistë shëndetësorë. Kirurgët që kryen operacionin e ndërlikuar thanë dje se James, 46 vjeç, po shërohet mirë nga transplanti i dyfishtë dhe se syri i dhuruar duket jashtëzakonisht i shëndetshëm. Syri i tij i djathtë është ende funksional.

“Vetë fakti që kemi arritur transplantin e parë të suksesshëm të një syri të tërë me një fytyrë është një ndërmarrje e madhe që shumë menduan se nuk ishte e mundur për një kohë të gjatë,” tha Dr. Eduardo Rodriguez, një nga kirurgët kryesorë në ekip. “Ne kemi bërë një hap të madh përpara dhe kemi ndërtuar themelin për kapitullin tjetër në rikthimin e shikimit.”

Mjekët thonë se operacioni i James u ofron shkencëtarëve një pasqyrë të paprecedentë se si syri i njeriut përpiqet të shërohet. “Ne nuk pretendojmë të rivendosim shikimin,” tha Dr Rodriguez për ABC News. “Por nuk ka dyshim se jemi një hap më afër”.