Stola gjigante në Kopenhagë që bartin një mesazh shqetësues – ja kuptimi i tyre

Nëse ecni nëpër Kopenhagë, me siguri do të vini re stolat që janë më të larta se normalja deri në 85 centimetra.

Këta gjigantë të qytetit janë instaluar nga një kompani televizive, por jo për xhirime, por për projektin “The Copenhagen Bench – 2100 Edition” i cili synon të inkurajojë publikun të mendojë për ndryshimet klimatike dhe rrezikun e rritjes së nivelit të detit.

“Sipas OKB-së, niveli global i detit do të rritet në 1 metër para fundit të këtij shekulli dhe kjo do të ketë një ndikim të madh në Danimarkë nëse nuk fillojmë të veprojmë menjëherë,” tha Kasper Adsbull, një nga njerëzit përgjegjës për fushatë.

Danimarka është një rajon shumë i ulët, dhe pjesë të Kopenhagës janë vetëm disa metra mbi nivelin e detit, duke e vënë atë në rrezik të lartë të rritjes së nivelit të detit dhe përmbytjeve.

Secili nga 10 stolat e lartë ka gjithashtu një pjatë bakri që thotë se përmbytjet do të bëhen pjesë e jetës sonë të përditshme nëse nuk fillojmë të bëjmë diçka për ndryshimin e klimës. Sipas një raporti të OKB-së, niveli i detit pritet të rritet me 1 metër deri në vitin 2100 nëse ngrohja globale vazhdon.