BDI: Mickoski me lajme të rreme qëllimshëm po rrezikon marrëdhëniet ndëretnike

Mickoski dhe VMRO ka nis me lajme të rreme të shpif, dezinfomojë dhe të njollos gjithçka që është shqiptare.

 

Jo më larg se sot, Mickoski në stilin fake-news dhe i verbër nga dëshira për pushtet, nis e akuzon se, BDI dhe Ali Ahmeti paska organizuar një grup të armatosur diku në Çair dhe Butel.

 

BDI dhe Fronti Europian shprehin shqetësimin e thellë për fjalorin nxitës të urrejtjes ndëretnike të Mickoskit një javë para 8 majit, ditën kur Fronti Europian do të shënojë fitoren e thellë.

 

I vetëdijshëm dhe i frikësuar se shërbëtorët e tyre të opozitës shqiptare do të pësojnë humbje të thellë, Mickoski qëllimshëm po rrezikon marrëdhëniet ndërtnike duke ndjellë frikë për destabilizim të situatës, dëshira dhe qëllimi kryesor i qendrave pro-ruse në Maqedoninë e Veriut.

 

Me këtë rast, BDI dhe Fronti Europian i bën thirrje qytetarëve, pa dallim etnie, të mos bien pre e shpifjeve dhe nxitjes së urrejtjes ndëretnike, pasi fjalori si i Mickoskit është agjendë e Moskës dhe Putinit, që duan destabilizimin e Maqedonisë së Veriut në veçanti dhe rajonit në përgjithësi.

 

Përkujtojmë opinionin se kur BDI ka organizuar zgjedhjet vitet e fundit, të njëjtat gjithmonë kanë qenë të lira, demokratike dhe të pranuara ndërkombëtarisht.