Dua Lipa publikon këngën me skena “të nxehta”

Këngëtarja shqiptare me famë botërore, Dua Lipa, është rikthyer me projekt të ri muzikor, i cili mban titullin “Houdini”.

Kjo këngë është prijëse e albumit të saj të ri në ardhje, që gjithashtu do të shënojë një epokë të re në karrierën e saj në vitin 2024.

Për këngën Dua ka punuar vet në bashkëpunim me autorët: Caroline Ailin, Danny L Harle, Kevin Parker dhe Tobias Jesso Jr.

Klipi i këngës është mjaft tërheqës, në të cilin ajo shfaqet në një sallë vallëzimi duke kërcyer me një tufë balerinësh meshkuj, teksa vihet re edhe ndryshimi i saj drastik me flokë të kuqe.

Këngëtarja nga Kosova është kujdesur që të vë në pah linjat e saj atraktive trupore gjatë koreografisë, duke marrë kështu simpatinë e shumë shikuesve.

Dua Lipa ka qenë duke punuar gjatë gjithë vitit 2023 në albumin e saj të ri, i cili pritet të publikohet në vitin 2024.