Sudani rihap hapësirën ajrore për aviacionin civil në lindje të vendit

Autoriteti i Aviacionit Civil të Sudanit ka rihapur hapësirën ajrore në pjesën lindore të vendit për trafikun ajror, transmeton Anadolu.

Autoritetet thanë se kishin rihapur “hapësirën ajrore të Sudanit për trafikun ajror në rrugët lindore të vendit, duke filluar nga sot”.

Një qendër alternative për navigimin ajror u krijua në qytetin e Port Sudanit në lindje të vendit.

Hapësira ajrore e Sudanit u mbyll fillimisht në mes të prillit për shkak të përleshjeve midis ushtrisë dhe Forcave të Mbështetjes së Shpejtë që kanë shkatërruar vendin.