Aeroplani i vogël rrëzohet dhe shpërthen në rrugën plotë me vetura në lëvizje, humbin jetën dhjetë persona në Malajzi

Një aeroplan i vogël privat u rrëzua dhe shpërtheu në mes të një rruge më plotë vetura në lëvizje nën Malajzi, ku si pasojë humbën jetën dhjetë persona.

“Hunda” e aeroplanit u përplas në rrethojën që ndante korsitë në qytezën Elmina në Shah Alam, ku më pas shpërtheu dhe humbën jetën tetë persona në fluturake dhe dy persona që ishin në veturat që lëviznin në ato momente.

Pamjet shokuese shfaqin përplasjen e aeroplanit që më pas përfshihet i tëri nga zjarri. Kamerat e vendosura brenda një veture kanë kapur këtë moment rrëqethës.

“Deri më tani, mund të them se të paktën dhjetë persona kanë humbur jetën nga kjo përplasje e fluturakes. Tetë pasagjerë në aeroplan dhe dy persona tjerë brenda veturave në lëvizje”, u tha nga policia e Malajzisë.

Deri më tani nuk dihen shkaqet që çuan te rrëzimi i aeroplanit, ndërsa hetuesit janë duke analizuar provat e marra nga vendi ku është rrëzuar fluturakja.