Sistemi raketor rus përplaset me një barrierë rrugore në Shën Petersburg

Një sistem raketor rus, Iskander raportohet se është përplasur me një gardh të një rruge pranë Shën Petersburgut.

Mediat ruse thanë se automjeti po shkonte në një provë për paradën e “Ditës së Fitores”.

Ajo ka të ngjarë të humbasë ngjarjen që pritet të zhvillohet ditën e martë, raporton skynews.
Raketat Iskander udhëtojnë me një shpejtësi hipersonike terminale prej 6-7 Mach (2,100-2,600 m/s) dhe mund të arrijnë një lartësi prej 50 km me një distancë deri në 500 km.
Ndryshe, ukrainasit kanë raportuar se kanë rrëzuar për herë të parë një raketë hipersonike ruse.

Portali ukrainas i lajmeve, Defence Express ka publikuar fotografi të një rakete të shkatërruar Kh-47 Kinzhal, e cila ishte lansuar prej rusëve në drejtim të Kievit.