Real Sociedadi shënon fitore të rëndësishme ndaj Barcelonës

Në ndeshjen e parë si kampione e sezonit 2022/23, Barcelona ka pësuar humbje.

Në ndeshjen e vlefshme për javën e 35-të në La Liga, skuadra e drejtuar nga Xavi u mposht nga Real Sociedadi.

Ndeshja e zhvilluar sonte në stadiumin “Camp Nou” përfundoi me rezultatin 1:2.
Mikel Merino (5′) dhe Alexander Sorloth (72′) shënuan golat e fitores për skuadrën mysafire.

Ndërkaq, golin e vetëm për katalonasit e shënoi Robert Lewandowski (90′).

Real Sociedadi pas kësaj fitore ka 65 pikë dhe renditet në pozitën e katërt, teksa po shkon gjithnjë e më afër sigurimit të pjesëmarrjes në Ligën e Kampionëve sezonin e ardhshëm.

Ndërkaq, Barcelona ka 85 pikë në krye të tabelës.