Raportohen raste të sindromës Havana në ambasadën amerikane në Berlin

Policia në Berlin thotë se ka filluar hetimet pasi stafi në ambasadën amerikane raportoi se kishte simptoma të së ashtuquajturës sindroma Havana.

Hetimi për këtë ka filluar në gusht, tha policia, njofton Klan Kosova.

Të premten presidenti Biden u zotua se do të zbulojë “shkakun dhe kush është përgjegjës” për sindromën.

Të prekurit thonë se përjetuan një presion të papritur në kokë dhe se dëgjonin zhurma të çuditshme. Të tjerët janë ankuar për marramendje, nauze dhe lodhje, ndër simptoma të tjera.

Një zëdhënës i ambasadës nuk pranoi të flasë për hetimet e policisë, por i tha Reuters se hetimi nga amerikanët ishte duke vazhduar në rastet që janë raportuar në mbarë botën.