Arrestohet 23 vjeçari i dyshuar për vjedhje të rënda në objekte fetare në Gjilan

Drejtoria Rajonale e Policisë në Gjilan ka njoftuar se të premten ka arrestuar një person i cili ishte përfshirë në disa vjedhje të rënda nëpër objekte fetare.

Për Klankosova.tv, nga Policia Rajonale e e Gjilanit kanë bërë të ditur se i dyshuari mashkull kosovar A.K, kishte vjedhur në disa xhami në Gjilan, përfshirë xhaminë në lagjen “Arbëria”, në fshatin Zhegër, Miresh e Kllokot.

23 vjeçari dyshohet se ka qenë i përfshirë edhe në dy raste të tjera të vjedhjeve në shtëpi private.

Derisa, me urdhër të prokurorit i dyshuari është dërguar në mbajtje për 48 orë.