Tre fëmijë raportohet të jenë plagosur nga të shtënat në një shkollë fillore në Finlandë.
Sipas mediave të huaja, ngjarja ka ndodhur herët të martën, dhe një i dyshuar, i cili ishte gjithashtu i mitur, u kap më vonë, tha policia finlandeze.
Të plagosurit u dërguan në spital, tha një zëdhënës i policisë për Reuters.
Të shtënat ndodhën në shkollën Viertola në Vantaa, një periferi e kryeqytetit Helsinki.
Shkolla thuhet se ka rreth 800 nxënës nga klasa e parë deri në të nëntën dhe një staf prej rreth 90 personash, sipas bashkisë lokale.
“Rreziku i menjëhershëm ka kaluar”, tha drejtori i shkollës Viertola, Sari Laasila për Reuters, duke refuzuar të komentojë më tej incidentin.
JUST IN: SCHOOL SHOOTING IN FINLAND
Several people are reported to be injured in the shooting in Vantaa, with police warning people to stay away from the area.
Source: Sky News pic.twitter.com/9TGhcArjhx
— UGO & ThĚ Bíg Stéppêrs (@UGOOTWEETS) April 2, 2024