Politikanët izraelitë falënderojnë SHBA-në për paketën e ndihmës
Politikanët izraelitë kanë falënderuar SHBA-në për miratimin e një pakete financimi prej 95 miliardë dollarësh që përfshin 26 miliardë dollarë ndihmë për Izraelin.
Udhëheqësi i opozitës izraelite Yair Lapid dhe ministri i Punëve të Jashtme Israel Katz iu bashkuan presidentit Isaac Herzog për të shprehur mirënjohjen e tyre të mërkurën.
Lapid falënderoi udhëheqësin e shumicës në Senat, Chuck Schumer dhe udhëheqësin republikan Mitch McConnell “për udhëheqjen e një mazhorance të madhe dypartiake në mbështetje të ndihmës për sigurinë për Izraelin”.
“Me kërcënimet me të cilat përballemi nga i gjithë rajoni, marrëdhënia strategjike e Izraelit me SHBA-në është një shtyllë e sigurisë sonë kombëtare”, tha Lapid, raporton CNN, transmeton Klankosova.tv.
Katz tha se “Izraeli dhe Shtetet e Bashkuara qëndrojnë së bashku në luftën kundër terrorizmit, duke mbrojtur demokracinë dhe vlerat tona të përbashkëta”.
“Është një dëshmi e qartë e forcës së aleancës sonë dhe dërgon një mesazh të fortë për të gjithë armiqtë tanë,” shkroi ai në X.
Paketa do të dërgojë gjithashtu fonde në Ukrainë dhe Tajvan.
