Ndërpritet seanca ndaj Thaçit dhe të tjerëve derisa të jenë të gjithë të akuzuarit të pranishëm

Thaçi dhe ish-komandatët e tjerë; Foto: Betimi për Drejtësl;

Në Dhomat e Specializuara të Kosovës (DhSK) në Hagë është ndërprerë seanca gjyqësore ndaj Hashim Thaçit dhe të tjerëve, derisa në sallën e gjyqit të jenë të pranishëm të gjithë të akuzuarit.

Kryetari i trupit gjykues, Charles Smith III tha se seanca pritet të rifillojë kur të gjithë të akuzuarit të jenë në sallë, raporton “Betimi për Drejtësi”.

“Do ta ndërpresim seancën derisa të jenë të gjithë të akuzuarit në sallë”, tha Smith III, duke shkuar më pas në pushim.

Përpara kësaj, seanca ishte e mbyllur për publikun dhe nuk dihet se çfarë u tha në sallë.

Kujtojmë se Jakup Krasniqi ishte i pranishëm në seancë përmes video-lidhjes ndërsa Thaçi, Veseli dhe Selimi, ishin fizikisht.