Ndalohet për 48 orë gruaja e cila i sulmoi dy gazetarët në Prishtinë
Është arrestuar gruaja e cila dyshohet se e ka sulmuar ekipin e gazetarëve të gazetës Lajmi.net, Lindita Berisha, Fjolla Hyseni dhe kameramani Përparim Tufa.
Ngjarja ka ndodhur gjatë ditës së djeshme në rrugën C në Prishtinë.
M.B është dërguar në mbajtje prej 48 orësh.
Ajo dyshohet se ka kryer dy vepra penale “Kanosja” dhe “Lëndimi i lehtë trupor”.
Po ashtu lidhur me rastin është intervistuar edhe një person i dyshuar.
“Po ashtu, në këtë çështje penale janë marrë deklaratat e palëve të dëmtuar dhe në koordinim me policinë janë duke u ndërmarrë veprime të tjera hetimore”, thuhet në njoftimin e Prokurorisë Themelore të Prishtinës transmeton Klankosova.tv