Kuzeska: Zgjedhjet kaluan në atmosferë korekte dhe demokratike, i presim rezultatet fillestare

Zëdhënësja e LSDM-së, Bogdana Kuzeska sonte në konferencë për media informoi se dita e sotme e zgjedhjeve ka kaluar në atmosferë korekte dhe demokratike, ndërsa qytetarët vullnetin e tyre e kanë shprehur të lirë dhe me dinjitet.

Ajo theksoi se janë konstatuar vetëm disa shkelje të vogla të procesit të zgjedhjeve të cilat, siç tha, i vlerësojnë si përjashtime.

“I falënderojmë të gjithë qytetarët të cilët sot dolën dhe e dhanë votën e tyre. E drejta e vendosjes së lirë është përfitimi më i vlefshëm i demokracisë, ndërsa vetëm votimi është akt thelbësor që del nga fuqia e qytetarëve të cilët vendosin për të ardhmen e tyre, dhe për të ardhmen e shtetit”, tha Kuzeska.

Theksoi se i presin rezultatet në zgjedhje dhe se janë të bindur se qytetarët si sot, ashtu edhe më 8 maj do ta mbështesin të ardhmen evropiane të shtetit.

Në pyetjen e gazetarëve se nga VMRO-DPMNE tashmë po publikojnë rezultate ku ka dallim të madh në rezultate, Kuzeska theksoi se zgjedhjet presidenciale kanë dy rrethe, informacionet grumbullohen dhe se së shpejti do të dalin me rezultate fillestare.