Të mërkurën në Serbi është arrestuar një qytetar nga Kosova nën pretekstin për “krime lufte”.


Të enjten Klan Kosova ka raportuar se identiteti i personit të ndaluar është Sadik Duraku nga fshati Damjan i Komunës së Gjakovës.

Raportohet se Duraku tash e një kohë jeton në Angli. Sipas këtyre njoftimevë, Duraku pritet të dalë nesër para gjykatës në Serbi.

Të mërkurën, autoritetet serbe ndaluan 300 kosovarë teksa po kalonin tranzit në Serbi për të shkuar nëpër vende të tjera evropiane

Institucionet e Kosovës këtë akt të Serbisë e kanë quajtur si shkelje esenciale e lirisë së lëvizjes dhe të drejtave të njeriut.

Në mesin e këtyre 300 personave sipas burimeve ka qenë Sadik Duraku tani i arrestuar në shtetin serb.