​Katër të lënduar nga tërmeti i fuqishëm në Indonezi

Të paktën katër persona u lënduan pasi një tërmet i fuqishëm me magnitudë 6.5 goditi ishullin Java, tha të dielën Agjencia e Meteorologjisë, Klimatologjisë dhe Gjeofizike e Indonezisë (BMKG).

Epiqendra e tërmetit ishte rreth 150 kilometra (93.2 milje) në jug të Garut, Java Perëndimore, në një thellësi prej 68.3 kilometra nën sipërfaqe.

Disa ndërtesa janë dëmtuar gjithashtu nga tërmeti, raportojnë mediat lokale.

Lëkundjet, të cilat Shërbimi Gjeologjik i Shteteve të Bashkuara i regjistroi me magnitudë 6.1 ballë, u ndjene në kryeqytetin Xhakartë dhe qytetin fqinjë të Bandung, Java Perëndimore, duke nxitur evakuime ndërsa autoritetet nuk dhanë alarm për cunami.

Indonezia përjeton tërmete të shpeshta pasi ndodhet në “Unazën e Zjarrit” të Paqësorit, një brez tektonik vullkanesh dhe tërmetesh.

Një tërmet me magnitudë 6.2 goditi ishullin Sulawesi në janar 2021, duke vrarë mbi 100 njerëz dhe duke lënë mijëra të pastrehë.

Rreth 2.200 njerëz u vranë pas një tërmeti të veçantë me magnitudë 7.5 dhe cunamit pasues në vitin 2018. /AA/