Fronti Europian hapi shtabin në Studeniçan, Grubi: Bashkë do të ruajmë orientimin euro-amerikan të vendit tonë

Fronti Evropian mbrëmë hapi shtabin zgjedhor në Studeniçan. Në këtë tubim morën pjesë kandidatët për deputetë të prirë nga Blerim Bexheti si bartës liste në zonën e parë zgjedhore bashkë me Naim Bajramin, kryetari i komunës së Studeniçanit, Azem Sadiki, zëvendëskryeministri Artan Grubi dhe zyrtarë të tjerë të koalicionit.

“Hapja e Shtabit Komunal i Frontit Europian në Studeniçan. Uroj të kemi fushatë të mbarë e të suksesëshme. Na priftë e mbara!”, ka shkruar Sadiki në një postim në rrjetet sociale.

“Kënaqësi të isha sot në mesin e aktivistëve të Frontit Europian në Studeniçan për të hapur së bashku Shtabin Zgjedhor dhe për të paralajmëruar fitoren e madhe në zgjedhjet presidenciale dhe parlamentare. Përkrahja për nunrin 4 dhe Dr. Bujar Osmani, misionin e Presidentit të parë shqiptar dhe ndryshimet kushtetuese është evidente në çdo takim me qytetarët e vendit. Bashkë do të ruajmë orientimin euro-amerikan të vendit tonë, do t’i themi JO Rusisë, PO Europës!”, ka shkruar Grubi.