Astronauti i parë sirian ndërron jetë në moshën 72-vjeçare
Mohamed Faris, siriani i parë që shkoi në hapësirë ka vdekur në moshën 72-vjeçare. Ai dha frymën e fundit në qytetin turk të Gaziantep, ku jetonte në mërgim që nga viti 2012.
Në vitin 1987, Faris u bë hero kombëtar në Siri, si i pari nga vendlindja e tij që mbërriti në hapësirë me sovjetikët. Pastaj dezertoi në Turqi ndërsa vendosi t’i bashkohej revolucionit kundër të njëjtës qeveri të Asadit të cilës i shërbente.
Faris është arab i dytë që shkonte në hapësirë dhe i pari nga Siria. Ai qëndroi në hapësirë për gati 8 ditë. Konkretisht për shtatë ditë, 23 orë e 5 minuta që i ndryshuan jetën, siç e kishte deklaruar.
“Kur e shihni planetin tonë nga Hapësira, nuk kemi më ne dhe ata, nuk ka politikë”, kishte thënë ai.
