Nuk ka më dilema/ LSDM-ja do të paraqesë kandidatin e saj për President

Edhe pse në periudhën e kaluar u shqyrtua opsioni që Fronti Europian, ku do të përfshihen LSDM dhe BDI, si dhe disa parti të tjera, të paraqesin një kandidat konsensual për president të vendit, megjithatë kjo nuk do të ndodhë. Kryetari i LSDM-së, Dimitar Kovaçevski konfirmoi se partia e tij do të paraqesë kandidatin e saj në zgjedhje. Nëse do të jetë Stevo Pendarovski, për të cilin Kovaçevski kishte fjalë lavdëruese, apo dikush tjetër, ende nuk dihet, sepse partia ende nuk i ka përfunduar analizat. Por Kovaçevski është i bindur se do të fitojë kandidati i tyre. Siç dihet, BDI-ja paralajmëron kandidatin e saj, LEN e emëroi Taravarin, Levica profesoreshen Vankovska, pritet tani të shihet se si do të veprojnë Maksim Dimitrievskin dhe lëvizja ZNAM si dhe VMRO-DPMNE. Profesori Vello Markovski do të jetë kandidat i pavarur në zgjedhje.

“Ne shumë qartë e dimë se si do të jetë profili i kandidatit për president të shtetit. Ky është kandidat i cili do t’i ndajë vlerat europiane, i cili angazhohet për rrotullimin e procesit të eurointegrimit të shtetit deri në 2030, i cili nuk do t’i ndajë qytetarët në asnjë bazë, as në bazë etnike as në bazë të përkatësive të tjera të qytetarëve të shtetit tonë. Mendoj se LSDM është e vetmja parti që mund të ofrojë një kandidat të tillë.”- deklaroi Dimitar Kovaçevski, kryetar i LSDM