Serbët arrestojnë në Merdare një ish ushtar të UÇK-së

Avokati Xhevdet Smakiqi në një postim në Facebook, ka bërë të ditur se ish-ushtari i Ushtrisë Çlirimtare të Kosovës, Hasan Dakaj, sot në Merdare është arrestuar nga autoritet serbe.

Smakiqi ka shkruar se ai u arrestua gjatë kohës sa ishte duke kaluar kufirin, për të vazhduar në Itali së bashku me vëllain e tij, shkruan Arbresh.info.

Sipas informatave të para, avokati theksoi se atë e kanë dërguar në qendrën e ndalimit në Kushumli.

Postimi i plotë:

S’ka liberalizim per pjestaret e UÇK-së!

Sot jam autorizuar nga Familja Dakaj nga Prizreni qe te mbroje te drejtat ligjore te familjarit te tyre Hasan Dakaj i lindur me 10.08.1980 nga Prizreni i cili veç se ka qene pjestar i UÇK-se është arrestuar ne Merdare rreth ores 09:00h te mengjesit derisa po udhtonte me vëllaun e tij drejt Italise.

Familja Dakaj është nen frikë dhe ankth te madhë pasiqe polica serbe Hasan Dakaj ish pjestarin e UÇK-se sipas informatave te para e kanë dërguar ne qendren e ndalimit ne Kushumli dhe mund ti nenshtrohet toroturave fizike e psiqike apo edhe me keq.

Unë menjëherë do te ndërrmarrë veprime duke ushtruar kerkese pranë MPJD-se qe te intersohet per fatin e shtetasit te Kosoves Hasan Dakaj i arrestuar sot ne mengjes ne Merdare nga policia serbe vetem pse ka qene ish pjestarë i UÇK-se.

Si Avokat i Familjes Dakaj i bëjë thirrje urgjente MPJD-se qe permes kanaleve diplomatike te kërkoi lirimin e Hasan Dakaj dhe ti lejohet levizja e lirë sikurse çdo shtetasi te Kosoves pa diskriminim.

Stop persekutimit te shtetasve te Kosoves nga shteti i Serbise e cila po shkel lirine fundametale te levizjes se lirë me fokus ish pjestarëve te UÇK-se. /Arbresh.info/