Sulmet më brutale të Rusisë, reagon Biden: Putin po mundohet ta zhduk Ukrainën, ai duhet të ndalet

Presidenti i SHBA-së, Joe Biden i kërkoi Kongresit amerikan “të përshpejtojë” dhe të kalojnë ndasitë mes tyre rreth dërgimit të ndihmave në Ukrainë, duke thënë se një sulm masiv ajror rus demonstron se Kremlini po kërkon ta “fshijë prej faqes së dheut” vendin properëndimor.

“Nëse Kongresi nuk ndërmerr veprime urgjente në vitin e ri, ne nuk do të jemi në gjendje të vazhdojmë të dërgojmë armë dhe sisteme jetike të mbrojtjes ajrore që Ukrainës i duhen për të mbrojtur popullin e saj. Kongresi duhet të rritet dhe të veprojë pa ndonjë vonesë të mëtejshme”, tha lideri amerikan.

Sulmi brutal përfshinte raketa me aftësi hipersonike, tha presidenti amerikan.

“Edhe një herë na kujton që pas gati dy vjetësh të kësaj lufte shkatërruese, objektivi i Putinit (Presidentit rus Vladimir) mbetet i pandryshuar. Ai kërkon ta fshijë Ukrainën dhe të nënshtrojë popullin e saj. Ai duhet të ndalet”, tha Biden.

“Kur diktatorët dhe autokratët lejohen të veprojnë ashpër në Evropë, rritet rreziku që Shtetet e Bashkuara të përfshihen drejtpërdrejt”, shtoi ai.

Republikanët në Kongres po bllokojnë një rinovim të ndihmës ushtarake amerikane për Ukrainën.

Ndryshe, ndihma e fundit e miratuar kapte vlerën prej 250 milionë dollarëve.