Stomatologu nuk sterilizoi mjetet në Francë/ 1000 pacientë “nxitojnë” për analizat e hepatitit dhe SIDA-s

Më shumë se 1,100 klientëve të një klinike dentare në Cherbourg, në Francën perëndimore, po u kërkohet të testohen për hepatitin B dhe C, si dhe për HIV, pas “mosveprimeve serioze” që zbuluan autoritetet gjatë një inspektimi të praktikës.

Gjatë një inspektimi të klinikës dentare në fjalë në Cherbourg, Shërbimi Shëndetësor Rajonal i Normandisë (ARS) regjistroi “shumë veprime serioze që vënë në rrezik sigurinë e personelit dhe cilësinë dhe sigurinë e kujdesit“.

Sipas gazetës Presse de la Manche, pajisjet e përdorura në zyrën dentare gjatë trajtimit nuk ishin aq sterile sa duhej.

“Në zbatim të parimit të parandalimit dhe bazuar në një vlerësim të rreziqeve infektive që rezultojnë”, ARS kërkoi që “pacientët të informohen, për shkak të rrezikut të ulët të transmetimit të viruseve të hepatitit B (HBV), hepatitit C (HCV) dhe HIV“, njofton Shërbimi.

Kjo masë ka të bëjë me “të gjithë pacientët që kanë vizituar klinikën që nga hapja e saj në janar 2023”, të vlerësuar në 1145.

“Duke pasur parasysh natyrën alarmante të situatës” , ARS pezulloi dentistin “për një periudhë maksimale prej 5 muajsh”.