Serwer: Ambiciet e Vuçiqit janë kërcënimi më i madh për rajonin

Profesori i njohur amerikan Daniel Serwer i sheh ambiciet e presidentit serb Aleksandar Vuçiq për të kontrolluar fatin politik të serbëve në vendet përreth si kërcënimin më të madh për rajonin.

“Unë mendoj se ambiciet e tij, të mbështetura nga Rusia, janë kërcënimi më i madh për paqen dhe stabilitetin në rajon. Historia nuk përsëritet, por rimon. Dyshoj se rajoni do të shkojë në një luftë për tre vjet e gjysmë, siç ishte në Bosnje në vitet 1990, por sigurisht që mund të shohim paqëndrueshmëri serioze”, tha ai në një intervistë për median malazeze Antena-M, transmeton Klankosova.tv

Për sulmin terrorist të 24 shtatorit në Banjskë, ai thekson se ishte si një kopjim I strategjisë së Putinit në Donbas dhe Krime.

“Vuçiq donte të provokonte një konflikt brenda Kosovës që mund ta përdorte si justifikim për ndërhyrje ushtarake”, tha Serëer, transmeton Klankosova.tv.

I pyetur për të komentuar dorëheqjen e Aleksandër Vulin nga posti i drejtorit të Shërbimit të Sigurisë dhe Informacionit (BIA), ai thotë se është një koncesion i rëndësishëm për Vuçiqin dhe Vulinin, por dyshon se kjo lëvizje do të ndryshojë shumë te perspektiva amerikane dhe ajo evropiane.

“Serbia do të vazhdojë të vuajë për shkak të kthimit në etno-nacionalizëm dhe aleancës me Putinin”, përfundon Serwer.