Raketa ruse godet anijen qipriote të mallrave, vdes kapiteni

Një raketë ruse ka goditur sot një anije mallrash me flamur Liberian, KMAX RULER, të Linjës Cyprus Sea. Anija ishte në pronësi të qipriotit Andreas Hatzigiannis, president i Unionit të Pronarëve të Anijeve të Qipros.

Sulmi ndodhi kur anija u fut në portin e Odessa-s ndërsa për pasojë ka humbur jetën kapiteni, ndërsa tre anëtarë të ekuipazhit dhe një rojë mbetën të plagosur. Lajmin e bënë të ditur forcat e armatosura ukrainase.

Sipas informacioneve nga autoritetet ukrainase, anija është goditur nga një raketë Kh-31P e lëshuar nga një avion luftarak rus. Kombësia e kapitenit nuk është bërë e ditur, ndërsa tri anëtarët e ekuipazhit të plagosur janë filipinas.
Anija e mallrave do të ngarkonte mineral hekuri me destinacion Kinën, sipas ministrit ukrainas të Infrastrukturës Oleksandr Kubrakov, i cili tha se që nga tërheqja e Rusisë nga marrëveshja për eksportet e grurit përmes Detit të Zi, janë regjistruar të paktën 12 sulme në infrastrukturën portuale të Ukrainës.

Anija është ndërtuar në vitin 2009, ka një gjatësi prej 230 metra dhe një gjerësi prej 37 metrash, dhe një kapacitet prej 91,800 dwt.