Sulm ajror ndaj një xhamie në Gaza, raportohet për viktima

Një sulm ajror izraelit goditi një xhami në kampin e refugjatëve Nuseirat në Gazën qendrore sot, duke vrarë dhe plagosur “një numër palestinezësh”, tha një burim mjekësor.

“Një numër palestinezësh u vranë dhe u plagosën në sulmin në Xhaminë e Dëshmorëve të Al-Aksasë”, tha burimi për Anadolu, pa dhënë shifër të saktë.

Sulmi ka shkaktuar “shkatërrim të gjerë” në zonë, tha burimi.

Konflikti i fundit filloi më 7 tetor kur Hamasi filloi operacionin “Tufani i Aksasë”, një sulm i befasishëm me shumë drejtime që përfshinte një breshëri raketash dhe infiltrimesh në Izrael nga toka, deti dhe ajri. Hamasi ka thënë se inkursioni ishte në hakmarrje për bastisjet në Xhaminë Al-Aksa dhe dhunën në rritje të kolonëve izraelitë.

Ushtria izraelite më pas nisi operacionin “Shpatat e Hekurta” në Rripin e Gazës.

Shefi i OKB-së Antonio Guterres ka bërë thirrje për një “armëpushim të menjëhershëm humanitar” për të lehtësuar “vuajtjet epike njerëzore”.

Të paktën 3.478 palestinezë janë vrarë në sulmet izraelite në Gaza, ndërsa shifra qëndron në më shumë se 1.400 njerëz në Izrael.