Vrasja në Malishevë – Arrestohen katër persona, konfiskohet një armë

15:28 – Arrestohen katër të dyshuar për vrasjen në Malishevë

Një person është vrarë sot në fshatin Bubavec të Malishevës.

Policia ka njoftuar që për këtë rast janë arrestuar së paku katër persona.

“Sot rreth orës 13:30 kemi pranuar informatë se një person mashkull i moshës madhore është dërguar në QKMF Malishevë, dyshohet të jetë qëlluar me armë zjarri në fshatin Balincë-Malishevë. Personeli mjekësor ka konstatuar vdekja e tij”, ka thënë për Klankosova.tv, Sheremet Elezaj, zëdhënës i Policisë Rajonale të Gjakovës.

“Njësitet e nevojshme policore i kanë përgjigjur rastit si dhe është njoftuar prokurori i shtetit i cili ka dalë në vendin e ngjarjes, në konsultim me të cilin janë duke u ndërmarrë të gjitha veprimet e nevojshme hetimore”.

“Deri më tani lidhur me rastin janë arrestuar katër persona të cilët dyshohen të jenë të përfshirë në rast, si dhe është konfiskuar një armë”.

14:10 – Vritet një person në Malishevë

Një person është vrarë në fshatin Bubavec të Malishevës.

Rastin për Klan Kosovën e kanë konfirmuar nga Policia e Kosovës.

“Sot rreth orës 13:30 kemi pranuar informatë se një person mashkull i moshës madhore është dërguar në QKMF Malishevë, dyshohet të jetë qëlluar me armë zjarri”, ka thënë zëdhënësi i Policisë Rajonale të Gjakovës, Sheremet Elezaj, për Klankosova.tv.
Sipas përgjigjes së policisë, është më shumë se një i dyshuar që po kërkohet nga autoritetet.

“Personeli mjekësor atje ka konstatuar vdekja e tij. Në këto momente jemi në kërkim të të dyshuarve”.

“Njësitet e nevojshme policore ju kanë përgjigjur rastit si dhe është njoftuar prokurori i shtetit në konsultim me të cilin janë duke u ndërmarrë të gjitha veprimet e nevojshme hetimore”.