Presioni i madh në parlament, jep dorëheqjen kryeministri pro-ukrainas i Letonisë

Krisjanis Karins, kryeministri letonez dhe një mbështetës i vendosur i Ukrainës, ka njoftuar synimin e tij për të dhënë dorëheqjen këtë javë.

Ashtu si fqinjët e saj baltik, Lituania dhe Estonia, nën drejtimin Karins, Letonia ka qenë një zë kryesor në shtytjen e BE-së dhe NATO-s për të rritur presionin ndaj Rusisë për pushtimin e saj në Ukrainë.

Ai tërhiqet pas presionit të madh nga një parlament i thyer dhe përpjekjeve të dështuara për të inkorporuar përfaqësimin e majtë dhe të djathtë në qeverinë e tij.

Partia e tij, New Unity, do të zgjedhë një kandidat tjetër, por pikëpamja e partisë për Ukrainën nuk ka gjasa të ndryshojë, kështu që kryeministri i ardhshëm mendohet se do të ndjekë një mandat të ngjashëm për sa i përket politikës së jashtme ndaj Rusisë.

Megjithatë, ai do të përballet gjithashtu me një votëbesim parlamentar, kështu që ka nevojë për mbështetje më të gjerë nga grupet opozitare për të lejuar Letoninë të vazhdojë mbështetjen e saj të fortë për Ukrainën.