Portugali: Zjarri në zonën Leiria bllokon autostradën, tashmë u është afruar shtëpive
Zjarri, i cili shpërtheu herët pasditen e kësaj të hëne në Arrabal të Portugalisë, ka detyruar trafikun në autostradën nr. 1 (A1) të ndalet dhe zjarri po iu afrohet shtëpive, tha një këshilltar i Këshillit të qytetit Leiria për Agjencinë e Lajmeve Lusa.
Pasi preu rrugën nacionale 113, e cila lidh Leiria dhe Ourem, në rrethin e Santarem, në të dy drejtimet, zjarri bëri që GNR (Garda Kombëtare) të bllokojë trafikun e makinave në autostradën A1, në të dy drejtimet, midis Leiria dhe Fatima, tha një burim i GNR-së për Lusa.
Këshilltari i mbrojtjes civile i këshillit të qytetit Leiria, Luis Lopes, i tha Lusas se zjarri në Arrabal po i afrohet fshatrave Cardosos, Caldelas dhe Pereiras dhe është afër banesave, industrive dhe stacioneve të benzinës. “Ne po pozicionojmë dhe dërgojmë burime në vendndodhje”, shpjegoi Luis Lopes.
Këshilltari shtoi se zjarri, alarmi i të cilit është dhënë në orën 13:47, ka dy fronte aktive, transmeton KosovaPress.
Në orën 17:20, në zonën e operacioneve ndodheshin 195 zjarrfikës, 53 automjete dhe pesë avionë, sipas faqes së internetit të autoritetit kombëtar të emergjencës dhe mbrojtjes civile (ANEPC).
Zjarri që shpërtheu në Lagoa da Pedra, në Caranguejeira, në orën 13:48, ka gjithashtu dy fronte aktive dhe, për momentin, po digjet në një zonë me shkurre, duke u nisur drejt Lavradios, në komunën Ourem, rrethi i Santarem, informoi Luis Lopes, duke vënë në dukje se ata po “ripozicionojnë burimet” në vend.
“Do të jetë një pasdite komplekse dhe me shumë punë”, paralajmëroi këshilltari.
Sipas ANEPC, në Caranguejeira ka 157 zjarrfikës, 50 automjete, dhe tre burime ajrore.
