Itali, 6 të vdekur nga zjarri në një shtëpi të të moshuarve në Milano

Një zjarr gjatë natës në një shtëpi të të moshuarve në Milano ka lënë të vdekur gjashtë persona dhe të lënduar shumë të tjerë, njoftoi shërbimi i zjarrfikësve i Italisë, transmeton Anadolu.

Brigada Italiane e Zjarrfikësve (Vigili del Fuoco) tha në Twitter se zjarri filloi në shtëpinë e të moshuarve në rrugën Via dei Cinquecento filloi në orën 1:20 të mëngjesit.

Përveç të vdekurve, shumë të tjerë të ndikuar nga tymi janë shtruar në spital, njoftohet më tej.

Zjarrfikësit kanë shpëtuar dhjetëra persona, ndërsa është nisur hetim për zjarrin, i cili është shuar pas ndërhyrjes.

Sipas agjencive italiane të lajmeve, 81 persona janë shtruar në spital, nga të cilët 16 në gjendje kritike.

Kryetari i bashkisë së Milanos, Giuseppe Sala, ka vizituar vendin e ngjarjes sot herët.