Flakët përfshijnë statujën e Budës në Kinë

Një statujë gjigante e Budës është dëmtuar nga një zjarr në provincën veriperëndimore Gansu të Kinës.

Videot e shpërndara në mediat sociale treguan statujën në Tempullin e Madh të Budës të Qarkut Shandan të rrethuar nga flakët në orët e para të mëngjesit të së hënës, raporton BBC.

Pas shuarjes së zjarrit, statuja dukej se mbeti pjesërisht e paprekur, por disa struktura tempulli u shkatërruan.

Statuja u ndërtua në vitin 1998 si një kopje e një origjinali që mendohet të ketë datuar rreth vitit 425 pas Krishtit. Statuja origjinale u dëmtua gjatë Revolucionit Kulturor të Kinës.

Deri më tani nuk raportohet për viktima dhe po hetohet për zjarrin.