Ish-agjenti i FBI-së i dënuar për spiunazh, vdiq në moshën 79-vjeçare

Robert Hanssen, një ish-agjent i FBI-së, i cili ishte një nga spiunët më të dëmshëm në historinë amerikane, u gjet i vdekur në qelinë e tij të burgut të hënën në mëngjes, sipas Byrosë së Burgjeve.

Hanssen, 79 vjeç, u arrestua në vitin 2001 dhe u shpall fajtor për shitjen e materialeve shumë të klasifikuara Bashkimit Sovjetik dhe më vonë Rusisë. Ai po vuante një dënim të përjetshëm në burgun federal në Firence, Kolorado, shkruan www.cbsnews.com, transmeton Klankosova.tv.

Hanssen u gjet pa ndjenja dhe stafi filloi menjëherë masat për shpëtimin e jetës, tha në një deklaratë zëdhënësja e Byrosë së Burgjeve, Kristie Breshears.

“Stafi kërkoi shërbime mjekësore emergjente dhe përpjekjet për shpëtimin e jetës vazhduan,” tha Breshears. “I burgosuri u shpall i vdekur më pas nga personeli i jashtëm mjekësor i urgjencës.”

Hanssen duket se ka vdekur për shkaqe natyrore, sipas dy burimeve të informuara për këtë çështje.