Borrell: BE ka rritur shpenzimet ushtarake me 30% që nga viti 2014

Shpenzimet ushtarake të Bashkimit Evropian janë rritur me 30% që nga viti 2014, tha Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell, duke hapur Forumin Ministror BE-Indo-Paqësor të shtunën.

Ai vuri në dukje se, që nga viti 2014, shpenzimet ushtarake të BE-së janë rritur me 30%, ndërsa kjo tendencë është edhe më e theksuar në rajonin Azi-Paqësor, ku shpenzimet ushtarake janë rritur me 40% kundrejt vitit 2013.

“Për fat të keq, mjedisi i sigurisë globale vazhdon të përkeqësohet. Ka më pak besim midis faktorëve kryesorë dhe ka një dobësim të respektit për ligjin ndërkombëtar, për rregullat shumëpalëshe,” tha ai duke shtuar se forca dhe kërcënimet po luajnë një rol më të madh.

Pas një takimi jozyrtar midis kryediplomatëve evropianë në Stokholm, 14 nga 27 ministra të jashtëm qëndruan në Forumin BE-Indo-Paqësor. Lista e pjesëmarrësve të saj ende nuk është publikuar, por u raportua se Kina nuk ishte në mesin e tyre.