I fshehur në pjesën e pasme të mjetit, kapet me drogë “qengji trafikant” në Skoci
Oficerët e policisë u tronditen kur gjetën një qengj në pjesën e pasme të makinës me drogë.
Zbulimi i çuditshëm u bë pasi ata kapën një shofer të dyshuar për drogë në Glasgow të shtunën.
Por nuk ishte vetëm qengji i vogël dhe patate të skuqura që u zbuluan në sediljen e pasme të makinës gjatë kontrollit.
Një qen policie gjithashtu nuhati drogë të klasit A me një vlerë totale prej 10,000 £.
Policia e Skocisë bëri shaka për situatën e pazakontë dhe postoi foto në mediat sociale.
Policia thotë se qengji është marrë nga një fermer lokal dhe hetimet po vazhdojnë për të përcaktuar se si përfundoi në makinë në radhë të parë.
Oficerët konfirmuan se dy burra, 52 dhe 53 vjeç, dhe një grua, 38 vjeç, u arrestuan dhe u akuzuan për trafikim droge.
Një zëdhënës i policisë së Skocisë tha “tre pasagjerët e automjetit u arrestuan dhe një kontroll i makinës u krye me ndihmën e njësisë së qenve”.
Oficerët zbuluan heroinë, me një vlerë të përllogaritur në rrugë prej 7,000 £ dhe kokainë, me një vlerë të vlerësuar prej 3,000 £.
