Sunak: Do investojmë 5 miliardë paundë në 2 vite për forcat e armatosura. Bota është bërë e paqëndrueshme

Kryeministri britanik Rishi Sunak ka deklaruar se Mbretëria e Bashkuar do të investojë 5 miliardë paund shtesë në forcat e armatosura gjatë dy viteve të ardhshme dhe do të rrisë shpenzimet e mbrojtjes në 2.5% të Prodhimit të Brendshëm Bruto të vendit.

“Është e qartë se bota është bërë më e paqëndrueshme. Kërcënimet për sigurinë tonë janë rritur,” u tha Sunak gazetarëve në një intervistë pranë anijes muzeore USS Midway ndërsa mbërriti në San Diego për të takuar Joe Biden dhe Anthony Albanese për të rënë dakord mbi hapat e ardhshëm në një marrëveshje historike të mbrojtjes me SHBA dhe Australinë.