Kovaçevski: Rritja e çmimit për qytetarët duhet të jetë sa më e ulët

Situata e krizës përdoret për të parashikuar masa dhe aktivitete, në mënyrë që të përballemi më lehtë, pa dhimbje dhe me më pak para me krizën energjetike që po vjen me sezonin e ngrohjes. Besoj se vendimi është i saktë, tani duhet të përgatitemi sa më shumë që të marrim të gjitha goditjet energjetike, sa i përket çmimeve dhe mungesës së energjisë elektrike, deklaroi sonte drejtori i EMV-së, Vasko Kovaçevski.

Kovaçevski duke qenë mysafir në televizionin Kanal 5 tha se kufizimet nuk janë opsion dhe se nuk dëshiron të spekulojë me shifra, por se rritja e çmimit të rrymës nga janari për qytetarët do të jetë më e ulëta e mundshme.

“Tashmë dihet se do të ketë rritje çmimesh nga janari. Dhe jo vetëm këtu. Dua që rritja e çmimit për qytetarët të jetë sa më e ulët. Nuk mund të spekuloj me numra. Bllok tarifat i përfundojnë gjërat”, tha Kovaçevski.

Sipas Kovaçevskit, nuk ka asnjë vend në Evropë që nuk ka marrë masa kursimi, dhe ai theksoi se kjo nuk do të thotë se nuk mund të prodhohet energji e mjaftueshme, por se duhet ruajtur për muajt e dimrit, kur mund të përballemi një mungesë në nivel global.

“Historikisht nuk kemi prodhuar asnjëherë energji elektrike 100 për qind. Prodhimi ynë është 71 për qind për tregun e rregulluar – amvisëritë dhe konsumatorë të vegjël, dhe pjesa tjetër është tregu i lirë, ku janë ekonomia dhe institucionet. Ne si kompani shtetërore dhe institucionet, EMV, MEPSO dhe EVN, kemi obligim që 100 për qind t’ua dorëzojmë amvisërive dhe konsumatorëve të vegjël dhe këtë po e bëjmë me sukses. Këtë vit kemi 25 për qind më shumë prodhim se vitin e kaluar. Ajo energji është e mjaftueshme për tregun e rregulluar. Të gjitha subjektet afariste dhe institucionet duhet ta blejnë atë në tregun e hapur dhe këtu çmimet janë dukshëm më të larta”, theksoi Kovaçevski.