ALI AHMETI: Nuk mund të ketë mënyrë më të mirë për të shënuar përvjetorin e Marrëveshjes së Ohrit se përurimi i një investimi të ri

Kryetari i Bashkimit demokratik për Integrim Ali Ahmeti në profilin e tij zyrtar në Facebook ka shkruar se nuk ka mënyrë më tê mirë për të shënuar MO-në se sa përurimi i investimit të ri.

Ahmeti mes tjerash ka shkruar:

Nuk mund të ketë mënyrë më të mirë për të shënuar përvjetorin e Marrëveshjes së Ohrit se përurimi i një investimi të ri, fabrikës së re për prodhimin e veturave elektrike e.GO në Zonën e lirë ekonomike në Tetovë.

Përgëzova mikun tim Lazim Destanin që në bashkëpunim me Qeverinë do ta realizojnë këtë investim prej 130 milionë eurove duke mundësuar hapjen e 890 vendeve të reja të punës.