Ukraina do të marrë 15 tanke kundërajrore ‘Gepard’ nga Gjermania në korrik, tha të premten një zëdhënës i Ministrisë së Mbrojtjes gjermane.

Përfshirë me dorëzimin e armëve do të jetë mbështetja stërvitore nga Forcat e Armatosura Gjermane dhe sigurimi i gati 60,000 fishekëve, njoftoi agjencia gjermane e lajmeve dpa.

Njoftimi erdhi pas një takimi të premten midis ministres gjermane të mbrojtjes Christine Lambrecht dhe homologut të saj ukrainas Olexii Resnikov.

Lambrecht tha se Gepard është një armë “efektive” me një “efekt të konsiderueshëm parandalues … për mbrojtjen e infrastrukturës kritike”.