Ukrainasit helmojnë rusët, dy të vdekur dhe 500 të shtruar në spital

Inteligjenca ushtarake ukrainase thotë se disa ushtarë rusë kanë humbur jetën pasi hëngrën disa simite të helmuara të cilat ua dhanë qytetarët ukrainas.

Dy ushtarë vdiqën menjëherë pasi hëngrën ushqimet e servirura nga qytetarët e Izium-it, tha inteligjenca ukrainase, ndërsa 28 të tjerë janë nën kujdes intensiv në spital pasi kishin pirë alkool, po ashtu të helmuar që ua kishin dhënë civilët.

Në postim, agjencia tha: ‘Ukrainasit i rezistojnë pushtuesve me të gjitha mjetet e disponueshme. Sipas informacioneve banorët vendas të rrethit Izium (rajoni i Kharkivit) mirëpritën rusët e Divizionit të 3 me byrekë dhe simite të helmuara. Rreth 500 ushtarakë të tjerë të Divizionit të 3-të janë në spitale për shkak të helmimit të rëndë nga alkooli.”

Rajoni i Izium i cili pritet të ketë më shumë luftime në javët e ardhshme, është një qytet me rëndësi strategjike për Rusinë pasi do t’i lejonte trupat e tyre ta përdorin atë si një bazë për sulme të qëndrueshme në Donbas.

Helmimi vjen pasi varre masive të trupave të civilëve të vrarë u zbuluan në periferi të Kievit.